أبشرك تعافيت من كل جرح منك جاني
ولكني عجزت ألقى دوا جرح الغياب
ياحسافة على العشرة وماضي حناني
وخافقي اللي تولع في غرامك وذاب
ليش عقب ماضحيت لك تبعد ياأناني
وأنا اللي كنت الكحل لسود الأهداب
كل من شافني لأجلك بالمرارة سقاني
وهمومي تفترسني كنها قطيع ذياب
ياما لعينك ترجمت العواطف أغاني
وأسكنتك عيوني وقفلت دونك الأبواب
يشهد بحبي لك كل قاصي وداني
وتشهد عيوني وليل سهرته ماهو بكذاب
حبيبتي ياكل كلي وشمعة زماني
عودي علي العين غرقانة والفكر مرتاب
حبيبتي تعافيت من كل ماجاني
ولكن ذبحني غيابك آه ( ياجرح الغياب )
